الفرق بين الرجل في أول سنه زواج وفي السنه الخامسه من الزواج

بسم الله الرحمن الرحيم

هذا الموضوع وجدته في احد المنتديات
مع اني لا اوافق على اغلب نقاطها
الا ان بعضها موجود بين افراد المجتمع

الله يعينا على ردة الفعل ..و التعليق pale

بس لا يكون في تنين هنا ولا قنابل أو معارضه
ترى اخاف ....وذكروا الله يا مؤمنين Very Happy

الرجل اول الزواج

1-العطر يفوح من بعد ميل ...ومشمغ
ولا ( ماجد مطرب..سعود)
في كشخته والاشماغ يكويه ويحط فيه نص علبة نشا
تقولين برنيطه
2-الكلمات الحلوه على اللسانه
3-يمشي وإيده بأيد زوجته
هذا اذا ما بطل يمسكها من بعد الزواج
ويشق حلجه من الابتسامه
4-يهتم با اهلها ويودي ويجيب فيهم
ويا عمه ويا عمو ويا النسيب والعزايم
5-دايما يوديها افخم المطاعم
6- يشتري لها هدايه وعطور
وكل يومين رازين وجيهم في السوق يشتري لها
وهي مستانسه ...
الهبله ما تدري انه آخر أيام التسوق السنع
7- الحياه طافحه رومنسيه
8- يشيل عنها الولد وشنطة الولد
9-ما تظل مكان ما يسفرها
10- ما تجي الساعه 11 إلا هو في البيت

بعد خمس سنين

1- الماي مقطوع
ماكو ........وانتو قولو الباقي
ماكو عطوووووور ودايما يمشي بطاقيه
والصلعه تتلامع ....وإن كان فيه شعرتين بييييض
فرحان فيهم
الشمغه غاليه

2- يبدل كلمات الحب با أنتي هييييي
هذا إذا مو اعظم منها

3- يمشي في الشارع وهي وراااااااه تهبع تبي تلحق عليه
وشايله الولد العاشر طعش وعندها شنطته وشنطتها
وهو عابس وجهه ويقول لها يلا عااااااااااااد شذا ذا
خفي رجولش شوووووي ومسكي العباه زيين لا تخلينها تطيييير وولدك مسكيييه شوفي إن طاحت الفلوس اللي في الشناط يا ويلج ....باخذ من بنك ابوج
يا مال اللضعفه شيل عنها شوي
وهو يمشي والكرشه قبله والسبحه يلشط فيها
وهو ما يقول فيها كلمتين فيهم ذكر ربي

4- يبدأ يعنترعلى أهلها وعلى كل واحد في بيتهم
وعاد ....هي تسكت وتضحك في وجهه
وهي تقول في نفسها : يا ثقل دمك من زينك قاعد تعايب على اهلي؟؟

5- تمر على المطاعم وتقول راحت ايامكم الحلوه
ما الها إلا ساندويش الفلافل والفول
6-تقول له عطني فلوس ابي اشتري لي اغراض
يقول لها توني عاطنج فلوس في العيد
انا ما عندي
ولا انتظري الاستلام اخر الشهر
وهم في بداية الشهر
وإذا جا الاستلام قطر الفلوس با القطاره
وأغراض البيت هي تشتريهم وهو متجعر في السياره

7- ما كو كلام زين لها دايما يعايب وينتقد
ليه الرز لونه ابيض ليه اليوم الجو مو حلو
لييييه في مطر
ليييه فلانه دووووووبه وانتي عصله
لييييه فلانه عصله وانتي دوووووبه
صارت متينه ما اعجبت صارت رشيقه ما اعجبت
يا مال اللي
والله المذيعه في قناة العربيه هذي جميله
وهذيك بعد اللي يجيبونها للنشره الأقتصاديه
كيكه
وهي تقول في نفسها عسى عواينك العمى
وحنا نقول
آميييييين
السياره اختربت الله يرجك انتي السبب
والله العيشه معك تجيب المرض
(مسكينه)
والجريده في أيده طول اليوم
حتى الجريده ملت منه
وقالت له بكره لا تشتريني تراك نشبه

8- تقول له خلينا نسافر يقول لها ما عندي فلوس
وظروف العمل ما تسمح
ويوم ثاني طاقها سفره مع الربع
أيا القهر
10 - من يطلع المغرب ما يرجع إلا الساعه 2 الليل بعد ما مر على رعاياه الاستراحه والقهوه وجرب انواع المعسل
والحسينيه والمسجد ما ينعاهم على قولة الاكبار
11- وإذا زوجته موظفه راتبها عنده يا مال اللضعفه
وكل يوم يقول أنا مفلس وعندي ديون
وكل شهرين سياره جديده من الوكاله ب150 ألف
وكل هذا وهو مديون
مو من جيب الخبله
12- يقعد يسوي محاضرات عن التعدد ويقول لها
ابي اتزوج العنوسه متفشيه في المجتمع
حب لأخيك ما تحب لنفسك
وهي تقول في نفسها
لأني أحب أختي في الاسلام المقروده اللي تبي تتزوجها
ما ابيها تبتلش بواحد مثلك
والقهر ما تربت شحومه إلا من راتبي
ويبي يتزوج بفلوسي

خلاص خلصت
شريره آني صح؟؟

إن شا الله بردت قلوبكن يا المتزوجات

والله يكيفينا شر ردات الفعل

عرس

تحياتي

((منقول))

على قدر أهل العزائم تأتي العزائم

شكرا لك اختي عاشقة صريفا على موضوعك
لالالالالالالالالالالالالالالالالالالالالالا تعليق اكثر
تقبلي مروري

هههههههههههههههههههههههههههههههههههههههه
معقول الله يساعدها كيف بعد 20 سنة زواج يمكن بيمشي وما بيعرفها هههههههههه
تسلم الايادي عزيزتي
تحياتي