قصيدة الميمر بحب علي عليه السلام

اللهم صل على محمد وآل محمد وعجل
فرجهم والعن عدوهم من الاولين والاخرين
الى قيام يوم الدين
----
قصيدة الميمر بحب علي عليه السلام وقد قال
به رسول الله صلى الله عليه وآله علي خير
البشر فمن ابى فقد كفر
------
حيدر عجيد القوم واتعرفونه
ممنون انا وخادم للخدمونه
هوه الهدف من الحجي ومضمونه
يمدحون صاحبهم بدرته اتجبر

حيدر الفارس لا نزل للحومه
اللي يشوفه يعاف حتى اهدومه
هوه اليدوس الصالي وزيزومه
من حقه من يمشي بزهو اتصور

حيدر وصي المصطفى ومامونه
والراس بيه الجادمات عيونه
الرابع اهل الباطل يرتبونه
والاخره من المرتبه شقد يخسر

حيدر الاول ما يصير الثاني يسوونه
والشورى جذبه مرتبه وملعونه
يوم الغدير صار الوي يسمعونه
والثاني حاضر بالحجي من اتقرر

بخ بخ جذب واليجذب يطردونه
شلون الخليفه وقائد يخلونه
جيبولي وحده سابقه يذكرونه
معروف بصلاب المعارك بالفر

يالرايدين الصدق واتدورونه
هذاك واضح للعلم قانونه
ابو الايمه وابد لا تنسونه
والكل يعرف الفارس الزير القصور

قول الرسول المصطفى تقولونه
واجب عليكم لازم اتطبقونه
الحق علي ويا علي اتشوفونه
من يمر حيدر يعني الحق هوه المر

قالها البدري واجت موزونه
وشعاد لو يزعل السد عيونه
ماي البحر لو رادو شربونه
وعمره هديه مقدمه بحب حيدر

ونسألكم الدعاء

تسلم ايدك ابو حيدر

قصيدة رائعة

دمتم برعاية بقية الله